年初三，新年的日子本應很開心，但卻提不起勁。雖然好想讀設計，但不知選擇是否錯誤。時間已餘下不多。想做的事卻一件都做不好。

用小說發洩自己的鬱悶，應該可以暫事舒緩失落的心情。女主角也是一個迷網的人，與男主角相遇後，才正視自己的未來，生存的意義．．．

時間流逝得很快......畢業了.竟然沒有什麼特別的感覺。以後，與同學見面的時間驟減，自己卻沒有感到傷感。或者正如我的弟弟所講，我是一個冷淡的人。

非常記得在北京認識的朋友的一句話，大概是：不敢與人深交，因為懼怕別離的痛苦。我也漸漸變成這類人了。

近日亦開始對自己的前程感到可怕，那種迷失於命運洪流中的感覺打擊著我的意志。和大學同學吃火鍋時，聽到Rocky，阿隆等都有明確的目標，真的替他們高興。每一個人生存在世上，必定有其自身的價值和意義，而我，又是什麼呢？

漸漸習慣了每天番工放工的生活...好開心在公司都認識到一班好同事。工作的日子都很快過。

最難忘的一晚是在西港城和andie和alice共進晚餐，那鵝肝真的非常美味！仲有和andie行去中環HMV看soundtrack和電影，這時才真正發覺自己真的很愛電影。

畫漫畫都好開心．．”愛神小混混”終於誕生了，可惜封面畫得不太好，有待磨練！有信心下次會更好！

但．．．擔心前程的問題．．我的人生目標還未找到．．．

漸漸習慣左上班既日子，每天都要行十多分鐘既路去地鐵站，跟住同人迫地鐵，然後又再行十多分鐘的路，先番到公司。

每天行這一條路都惗好多野，朋友們响TVB做得開唔開心？其他朋友仔又搵到公未呢？另外又响度胡思亂想，朋友仔有冇惗起我呢？

還有在想我的人生目標是什麼呢？老左會唔會得番自己一個．．．．．．．．．．．．．．

上個星期四番工，是做教育出版社的編輯，做既工作都幾沉悶。第一日放工，竟然有份animator話請，後來經濟日報又打嚟叫我in記者，激死。冇工做時又唔請，有工做時又話請，俾個天玩死

今日又發生好嘔血既事，家姐format左部腦，攪到我以前d project同文件冇曬。最慘我d旅行相同埋大學工課都冇曬，真係慾哭無淚．．．我d心血無曬，唉．．．

終於找到工作了，係响電子教育出版社做編輯。 有工做當然開心，但始終唔係本行，而且繼有加菲、JJ、露比、雲妮之後，家琪同阿倢都加入左TVB既大家庭 有一點寂寞感

這一個月來都是吃喝玩樂，覺得自己開始懶散落去了．．．

迪士尼的煙花暫時把人的愁緒掩蓋，但當消失的時刻來臨，卻令人不得不回到現實．．．

朋友仔的生日、甜品的誘惑、美好的回憶、可否永遠停留？

幾米的原稿蘊含細膩的質感，動人的感染力，雙眼難以離開．．．

沉迷於電影與電腦遊戲世界，躍動在動漫同人誌當中～～～

生活必須繼續過下去．．．

工呀工，你在哪？

難道要搵一份好工，真係咁難？！

去見左一份舞蹈團既工作，佢竟然壓我二千蚊價，喂，宜家唔洗生活咩？

另外又in了一份animation的工，但要去度數碼港番，好遠．．．．不過都唔知佢係唔係請．．．

搵唔到工，都唔想見人．．．

呢排既個人時間都係圍繞住班小學生，雖然佢地有時好頑皮，但真係好可愛。

今日有個陳小DD，唔知係咪同佢地玩鬥快計數玩到興奮得滯，玩完之後突然對住個男同學叫姑姑～～～原來佢都追緊神鵰俠侶。

每日都要編教材，宜家先發覺原來做教師真係唔易，尤其係教英語會話，講到口水都乾埋～～不過麻煩得嚟都幾開心！

還有＜愛．便當＞終於完成了，勁開心。雖然成日畫到好夜，但真係好好玩！休息一會，再惗下一個故事，今次計劃畫圖畫書。哈哈，要超華麗！！

呢個動畫展真係宣傳不足，相信冇乜人會知～～

八日之行終於完結了，最難忘係西班牙驚喜動人既建築，真係愛死天才建築師高迪！如果有機會，真係想再去多一次。番到嚟香港，依然好嚮往西班牙人悠然自在的生活。奎爾公園、聖家族大教堂、米拉宮、巴悠之家．．．正

佛朗明哥舞同埋鬥牛都非常精采，睇佛朗明哥時，不禁為舞蹈員精湛跳躍既舞技所吸引著。睇鬥牛雖然殘忍，但鬥牛勇士既勇敢同埋牛牛响死前仍不服輸既表現都為令人為之讚嘆。即刻跟住西班牙人大叫Hellas!(喝采)

相對嚟講，對葡萄牙印象不太深刻，只覺得葡萄牙係比較窮既國家，有點荒涼既感覺。同西班牙熱情之國相比，有著完全不同既感覺。

回到香港，又要面對現實。有工作既朋友要好好珍惜。聽大家話我有工做，只不過唔去做，覺得好愁。只不過想找一份自己真真正正想做既工，唔通真係咁難？

還是儲錢移民去吧．．．．

推左某台收費電視既job，唔知係唔係一個錯既決定，但我知道自己想做乜，如果我入到去做自己根本唔想做既工，我唔會開心。

其實自細我就知自己條路唔會平坦。細個既時候曾經算命，話我要經過艱苦，才會成功。估唔到俾佢批中。

小一時候俾其他同學睇唔起，因為我成日考包尾。到小四開始好啲成績，考到十名以內。啲同學唔知係咪因為妒忌，笑我肥。宜家惗起都好憎佢地。

到入左間名牌大學，啲人好叻。當然我啲成績唔會標青。結果又俾人嫌棄。中五考得唔好，要周圍撲學校，中七要repeat。最後都入大學。大學雖然好開心，但屋企又發生黑暗大事件，家姐仲因為咁走老，就好似拍電劇咁。

到宜家搵工，好徬徨，始終搵唔到自己想做既工。其實我可以做住嗰份工先，但惗起如果响自己年輕既時候做自己唔想做同埋冇乜前景既工，好似係浪費時間。

可能呢個又是我既另一個考驗。

　　　以宮崎駿作品作爲中心的動畫製作公司，吉卜力藝術家工作室（Studio Ghibli）的新作電影，將改編美國奇幻、科幻作家Ursula K. Le Guin的《地海傳說（Legend of Earthsea）》系列小說。同時，這部電影（ゲド戦記）的導演是宮崎駿的長子宮崎吾郎，亦是宮崎駿的接班人。作品目前已經進入製作階段， 明年7月預定在日本公映。

ゲド戦記網頁

起：感動雲妮打電話俾我，响screening前一日享受同雲尼行街街，可惜佢買唔到嗰條白色裙！

落：好迷網，唔知自己想做乜

起：screening好開心，可以睇到大家既心血，勾起出crew時美好既日子。能認識大家真好（拿到劇本獎，好開心，多謝薯皮製作）

落：去TVB見工，唔想做收費電視，偏偏撥我去生活台in。到幾時我先至可以做到自己想做既工？

起：見到中學同學仔奶粉，佢買左荷蘭既手信俾我

落：近排朝朝起身都好頭痛。今日去apm逛左一個圈，响書店揀了一本有關情緒病既書睇，裡面有一個測驗。我拿左好高分。分析話我有好大既精神壓力。其實唔洗佢講我都知。我究竟响度為乜？？